Yeremías 45:1-5
-
Yehova su mensahe pa Baruk (1-5)
45 Tabata e di kuater aña di reinado di Rei Yehóakim di Huda, yu di Yosías. Baruk, yu di Nerías, tabata skirbi e palabranan ku Yeremías tabata dikta p’e den un buki. E tempu ei, Profeta Yeremías a bisa Baruk lo siguiente:
2 “Esaki ta loke Yehova, Dios di Israel, ta bisa tokante abo, Baruk:
3 ‘Bo a bisa: “Ai di mi, pasobra mi tabata sufri kaba, i awor Yehova a duna mi mas tristesa! Mi ta kansá di suspirá, i mi no ta haña alivio.”’”
4 Dios a bisa: “Bo tin ku bisa Baruk: ‘Esaki ta loke Yehova ta bisa: “Mi ta bashando abou loke mi a konstruí, i mi ta rankando loke mi a planta. Mi ta bai hasi esei den henter e pais.
5 Pero bo ta buskando* kos grandi pa bo mes. Stòp di buska e kosnan ei.”’
‘Pasobra djis akí, lo mi trese un kalamidat riba tur hende,* i unda ku bo bai, lo mi duna bo bo bida* komo rekompensa.’* Esei ta loke Yehova ta bisa.”
Nota
^ Òf: “ferwagt.”
^ Lit.: “tur karni.”
^ Òf: “alma.”
^ Òf: “lo mi laga bo skapa ku bo bida.” Lit.: “lo bo tin bo bida komo botin.”
