Yeremías 47:1-7
-
Profesia kontra e filisteonan (1-7)
47 Esaki ta loke Yehova a bisa Profeta Yeremías tokante e filisteonan, promé ku Fárao a konkistá Gaza.
2 Esaki ta loke Yehova ta bisa:
“Tende! Tin hopi awa ta biniendo for di nort.
E awa ei lo bira un riu ku ta subi tera.
Lo e inundá e pais i tur loke tin den dje,sí, e stat i su habitantenan.
Hende hòmber lo sklama,i tur hende ku ta biba na e pais lo grita yora.
3 Ora e tatanan tende e zonido di pata di e kabainan di enemigu,e bochincha di e garoshinan di guerai e boroto di nan wilnan,e tatanan lo kore limpi bai, pasobra nan a pèrdè kurashi.*Nan ni sikiera lo drei wak nan yunan.
4 E dia lo yega ku lo destruí tur e filisteonan.Sí, lo eliminá tur e aliadonan di Tiro i di Sídòn ku a sobra.
Yehova ta bai destruí e filisteonan,esnan ku a sobra di e isla Káftòr.*
5 Kabes di e hendenan di Gaza lo bira limpi.*
Áskelòn lo ser ruiná.
Anto, kiko di boso ku a resta den nan vaye?*Pa kuantu tempu boso lo sigui kòrta boso kurpa?
6 Ai, spada di Yehova!
Ki dia lo bo para ketu?
Bai bèk den bo baliña.
Sosegá, i keda ketu.
7 Kon e spada por para ketusi ta Yehova mes a dun’é òrdu?
Ta é a manda e spada atakáÁskelòn i kosta di laman.”
Nota
^ Òf: “nan mannan a bira slap.”
^ Esta, Kreta.
^ Esta, nan lo feita nan kabes pa motibu di luto i bèrgwensa.
