Salmo 139:1-24
Pa e direktor musikal. Un salmo di David.
139 O Yehova, bo a saminá mi bon, i bo sa tur kos di mi.
2 Bo sa ora mi sinta i ora mi lanta.
Djaleu, bo sa kiko mi ta pensa.
3 Bo ta mira* mi ora mi ta kana i ora mi bai drumi.Bo sa tur loke mi ta hasi.
4 O Yehova, promé ku un palabra sali for di mi boka,bo sa kaba kiko mi ta bai bisa.
5 Bo ta protehá mi di tur banda,i bo man tin mi tené.
6 Ta difísil pa mi komprondé kon bo por konosé mi asina bon.*
Esei ta algu asina maravioso ku mi no por kaba di komprond’é.*
7 Unda lo mi por bai pa mi hui di bo spiritu?Unda lo mi por skonde pa bo no mira mi?
8 Si mi subi bai shelu, lo bo mira mi einan.Si mi bai drumi den Graf,* lo bo haña mi einan.
9 Si mi bula bai mes lihé ku lus di ourora ta salii mi bai biba kantu di e laman di mas leu ku tin,
10 einan tambe bo man lo guia mi,i bo man drechi lo t’ei pa yuda mi.
11 Si mi bisa: “Den skuridat sí niun persona no por wak mi,”
skuridat lo bira meskos ku klaridat pa bo.
12 Ni skuridat lo no ta muchu skur pa bo.Anochi lo ta meskos ku di dia kla.Pa bo, skuridat ta meskos ku lus.
13 Bo a forma mi nirnan.Bo a protehá mi* den barika di mi mama.
14 Mi ta alabá bo, pasobra bo a traha mi na un manera maravioso, na un manera ku ta duna mi masha rèspèt pa bo.
Bo obranan ta maravioso,i mi* sa esei bon bon.
15 Mi wesunan no tabata skondí pa boora ku bo a forma mi kaminda niun hende no por a mira mi,ora ku mi tabata krese den barika di mi mama.*
16 Bo wowonan a mira mi ora ku mi tabata den barika di mi mama.*Den bo buki, tur e partinan di mi kurpa tabata skirbí,asta e dianan ku nan a ser formá.Nan a ser skirbí promé ku nan tabata eksistí.
17 Pues, loke bo ta pensa ta masha balioso pa mi.
O Dios, e kantidat di kos ku bo sa ta inmenso!
18 Ta kon mi por konta nan? Nan ta mas tantu ku santu di laman.
Mainta ora mi spièrta, ainda lo mi ta konta nan.*
19 O Dios, por fabor, mata hende malbado!
E ora ei, hende violento* lo laga mi na pas,
20 sí, hende ku ta papia malu di bo.*Nan ta bo enemigu, i nan ta hasi mal uso di bo nòmber.
21 O Yehova, mi no ta odia hende ku ta odia bo?Mi no tin asko di hende ku ta rebeldiá kontra bo?
22 Mi ta odia nan masha tantu mes.Di bèrdat, nan ta mi enemigu.
23 O Dios, saminá mi, i wak kiko tin den mi kurason.
Wak ki sorto di hende mi ta i kiko ta preokupá mi.*
24 Wak si tin kualke kos den mi ku por hiba mi den mal kaminda,i guia mi riba e kaminda ku no ta kaba nunka.
Nota
^ Lit.: “midi.”
^ Òf: “E konosementu ei ta muchu maravioso pa mi.”
^ Òf: “ta muchu profundo pa mi kapta.”
^ Òf posiblemente: “a forma mi.”
^ Òf: “mi alma.”
^ Lit.: “tabata ser formá den e parti di mas profundo di tera.”
^ Òf: “mi tabata un èmbrio (feto).”
^ Lit.: “ainda lo mi ta serka bo.”
^ Òf: “kulpabel di dramamentu di sanger.”
^ Òf: “hende ku, di akuerdo ku nan pensamentu malbado, ta papia kontra bo.”
^ Òf: “i ki pensamentu ta hasi mi intrankil (ta angustiá mi).”
