Salmo 97:1-12
97 Yehova a bira Rei!
Laga tera ta kontentu.
Laga tur isla alegrá.
2 Nubia i skuridat ta rondoná Dios;Dios su gobernashon* ta basá riba hustisia i loke ta korekto.
3 Tin un kandela ta bai su dilanti,i esaki ta kaba ku e atversarionan ku tin rònt di dje.
4 Su rayonan di welek ta lusa mundu.Tera ta mira esei i kuminsá tembla.
5 E serunan ta dirti manera was dilanti di Yehova,sí, dilanti di Doño di henter tera.
6 Shelu ta anunsiá Dios su hustisia,i tur pueblo ta mira su gloria.
7 Laga tur hende ku ta adorá imágen ser brongosá,sí, tur hende ku ta broma tokante nan diosnan ku no ta sirbi pa nada.
Tur dios, bùig p’e.*
8 Siòn ta tende di esei i alegrá.O Yehova, e statnan* di Huda ta kontentupa motibu di bo desishonnan hustu.
9 Abo, o Yehova, ta Dios Haltísimo riba henter tera.Bo posishon ta hopi mas haltu ku tur otro dios.
10 Boso ku ta stima Yehova, odia loke ta malu.
Dios ta protehá bida* di su sirbidónan leal.E ta libra nan for di man* di hende malbado.
11 Lus ta bria pa hende hustu,i hende ku tin kurason sinsero ta bira kontentu.
12 Boso ku ta hustu, alegrá pa motibu di loke Yehova ta hasi,i alabá su nòmber* santu.
Nota
^ Òf: “trono.”
^ Òf: “ador’é.”
^ Lit.: “e yu muhénan.”
^ Òf: “alma.”
^ Òf: “poder.”
^ Lit.: “konmemorashon.”
