Despues di 4026 P.K.

“E kolebra” ta kuestioná Yehova su derecho i manera di goberná. Yehova ta primintí di lanta un “simia,” òf desendiente, kende ku tempu lo destruí e kolebra, Satanas. (Génesis 3:1-5, 15) Pero turesten Yehova ta duna hende tempu pa goberná nan mes bou di influensia di e kolebra.

1943 P.K.

Yehova ta bisa Abraham ku e “simia” primintí lo ta un di su desendientenan.—Génesis 22:18.

Despues di 1070 P.K.

Yehova ta sigurá Rei David, i mas despues su yu Sálomon, ku e “desendiente” primintí lo bini via nan liña di desendensia.—2 Samuel 7:12, 16; 1 Reinan 9:3-5; Isaías 9:6, 7.

29 D.K.

Yehova ta identifiká Hesus komo e “desendiente” primintí ku ta Heredero di e trono di David.—Galationan 3:16; Lukas 1:31-33; 3:21, 22.

 33 D.K.

E kolebra, Satanas, ta heridá e “desendiente” primintí ora e ta laga mata Hesus. Yehova ta resusitá Hesus pa biba den shelu i ta aseptá e balor di Hesus su bida perfekto. Di e manera ei Yehova a perkurá e base pa pordoná piká i pa duna e desendientenan di Adam bida eterno.—Génesis 3:15; Echonan 2:32-36; 1 Korintionan 15:21, 22.

1914 D.K. òf djis despues

Hesus ta benta e kolebra, Satanas, riba tera, i ta ten’é aki bou pa un tempu kòrtiku.—Revelashon 12:7-9, 12.

Futuro

Hesus ta enkarselá Satanas pa 1.000 aña i despues ta destruyé; simbólikamente Hesus ta aplastá kabes di e kolebra. Yehova su propósito original pa e tera i pa humanidat ta kumpli, su nòmber ta ser limpiá di reproche i su manera di goberná ta keda vindiká.—Revelashon 20:1-3, 10; 21:3, 4.