“Ta abo a krea tur kos.”—Revelashon 4:11

Kiko Beibel ta siña nos tokante Dios?

• Revelashon 15:3

  E ta e Todopoderoso, e ser di mas poderoso den universo.

• Salmo 90:2

  Semper el a eksistí.

• Mateo 6:9

  Dios ta nos Tata.

  E ke pa nos tin e mihó bida posibel.

• Echonan 17:27

  Dios ke pa nos ta su amigu.

“Yehova . . . ta mi nòmber pa semper.”—Éksodo 3:15, NW

Dikon e nòmber di Dios ta importante?

• Salmo 83:18

  Dios ta bisa nos ku su nòmber ta Yehova. “Dios” i “Señor” no ta nòmber. Nan ta título, meskos ku “Rei” i “Presidente.” Yehova ke pa bo usa su nòmber.

• Éksodo 3:14, NW

  Su nòmber ta nifiká “E Ta Kousa pa Bira.” Yehova a krea tur kos; p’esei, e por kumpli ku tur loke e primintí i realisá su propósito.

“Dios ta amor.”—1 Huan 4:8

Kiko e amor di Dios ta enserá?

• Éksodo 34:6; Salmo 37:28

  E ta miserikòrdioso i yen di kompashon. E ta stima bèrdat i hustisia.

• Salmo 86:5

  E ta kla pa pordoná.

• 2 Pedro 3:9

  E tin pasenshi ku nos.

• Revelashon 15:4

  E ta leal na nos.

“Tira tur boso inkietut riba dje, pasobra e ta interesá den boso.”—1 Pedro 5:7

Kon bo por sa ku Dios di bèrdat ta interesá den bo?

• Salmo 37:9-11

  E ta primintí ku lo e kaba ku sufrimentu i drecha tur e daño ku mal hende a kousa.

• Santiago 4:8

  Yehova ke pa bo hala serka dje.

• Huan 17:3

  Mas bo siña tokante Dios, mas amor lo bo haña p’e.