“Bendishoná SEÑOR, boso, su angelnan, poderoso den fortalesa.”—Salmo 103:20

Kiko nos sa tokante e angelnan?

• Yòb 38:4-7

  Yehova a krea angel promé ku el a krea tera.

• Revelashon 5:11

  Tin miónes di angel.

• 1 Pedro 1:11, 12

  Semper e angelnan tabata interesá den Yehova su propósito pa ku e tera.

• Lukas 15:10

  E angelnan ta masha interesá den hende ku ta sirbi Dios.

“E angel di SEÑOR ta kampa rònt di esnan ku ta tem’é, i ta reskatá nan.”—Salmo 34:7

Kon nos sa ku angel por yuda hende?

• Génesis 19:15, 16; Daniel 6:22; Lukas 22:43; Echonan 12:6-11

  Angel a yuda Lòt, Daniel, Hesus i Pedro.

• Hebreonan 1:7, 14

  Yehova ta usa su angelnan pa yuda i protehá su sirbidónan awe.

‘Satanas no por dominá nos, pasobra su trikinan no ta deskonosí pa nos.’—2 Korintionan 2:11

Ken e demoñonan ta, i dikon nan ta peligroso?

• Revelashon 12:9

  Un angel a rebeldiá kontra Yehova. E yama Satanas.

• Génesis 6:2

  Den tempu di Noe, algun angel a bira rebelde i a baha bini na tera.

• Mateo 9:34

  E angelnan ei a djòin Satanas den su rebelion i a bira demoño.

• Deuteronomio 18:10, 11

  E demoñonan ta purba di gaña hende i hasi nan daño den tur manera posibel.

“Oponé Diabel, i lo e hui for di boso.” —Santiago 4:7

Kon bo por haña Yehova su yudansa pa resistí Satanas i su demoñonan?

• Echonan 19:19

  Deshasí di tur loke tin di haber ku spiritismo i kosnan ku ta laga magia, demoñonan òf podernan sobrenatural parse inosente òf eksitante.

• Efesionan 6:16, 18

  Studia Beibel pa fortalesé bo fe i hasi orashon pa haña Dios su protekshon.

• Proverbionan 18:10

  Usa e nòmber di Yehova.