“Leu sea di Dios di hasi maldat, i di e Todopoderoso di kometé inikidat.”—Yòb 34:10

Dikon tin asina tantu sufrimentu na mundu?

• 1 Huan 5:19

  E gobernante di mundu ta Satanas e Diabel.

• Eklesiástes 8:9

  Hende ta pone otro hende sufri.

• Eklesiástes 9:11

  Tin biaha hende ta sufri pasobra pa kasualidat nan ta na e lugá robes i na e momento robes.

• 1 Pedro 5:7

  Yehova ta stima hende mashá. E no gusta mira nan sufri.

“Dios sa ku . . . boso wowo lo habri i boso lo ta manera Dios, konosiendo bon i malu.” —Génesis 3:5

Dikon Yehova no a destruí Satanas mesora?

• Génesis 3:2-5

  Satanas a akusá Dios di ta un mal gobernante. E tabata ke pa hende kere ku nan tin e derecho di disidí pa nan mes loke ta bon i loke ta malu.

• Yòb 38:7

  Satanas a desafiá Yehova dilanti di miónes di angel.

“No ta keda na hende pa dirigí su pasonan.” —Yeremías 10:23

Dikon hende a sufri pa asina tantu tempu?

• Isaías 55:9

  Hende a purba diferente tipo di gobièrnu, pero sin Dios nan no por goberná tera ku éksito.

• 2 Pedro 3:9, 10

  Yehova tin pasenshi i el a laga tempu pasa pa nos siña konos’é i skohé e komo nos Gobernante.

• 1 Huan 3:8

  Pa medio di Hesus, Yehova lo drecha tur e daño ku Satanas a kousa.

“Sea sabí, mi yu, . . . pa mi por kontestá esun ku reprochá mi.”—Proverbionan 27:11

Dikon Yehova no ta obligá nos pa sirbié?

• Proverbionan 30:24

  Bestia ta gewon sigui nan instinto, pero Yehova a duna nos boluntat liber. Ta keda na nos pa disidí si nos ke sirbié òf no.

• Mateo 22:37, 38

  Yehova ke pa nos sirbié pasobra nos stim’é.