“Pa e motibu akí mi ta hinka rudia dilanti di e Tata—for di ken tur famia den shelu i riba tera a haña nan nòmber.”—Efesionan 3:14, 15

Kon bo famia por ta felis?

• Génesis 1:26-28

  Yehova a krea e promé famia.

• Efesionan 5:1, 2

  Ora nos imitá Yehova i Hesus, nos lo tin un bida di famia felis.

“Laga kada un di boso stima su esposa. . . E esposa mester tin rèspèt profundo pa su esposo.”—Efesionan 5:33

Kon esposo- i esposanan mester trata otro?

• Efesionan 5:22-29

  Un esposo ta responsabel pa su famia. E mester stima su esposa, i e esposa mester apoyá su esposo ora e ta tuma desishon.

• Kolosensenan 3:19; 1 Pedro 3:4

  Nan mester trata otro ku bondat i tene kuenta ku otro.

• 1 Pedro 3:1, 2, 7

  Kasánan mester onra i respetá otro.

• 1 Timoteo 5:8; Tito 2:4, 5

  Un esposo mester perkurá pa su famia. Un esposa mester kuida su famia i su kas bon.

“No iritá boso yunan, ma sigui lanta nan den e disiplina di Yehova i inkulká su manera di pensa den nan.”—Efesionan 6:4

Ki responsabilidat mayornan tin?

• Deuteronomio 6:4-9; Proverbionan 22:6

  Tuma tempu pa siña bo yunan tokante Yehova. Kuminsá ku esei ora nan ta chikitu ainda, i ku pasenshi yuda kada yu bira amigu di Yehova.

• 1 Pedro 5:8

  Siña bo yunan kon nan por evitá abusu seksual i otro peligernan.

• Yeremías 30:11; Hebreonan 12:9-11

  Disipliná bo yunan, pero nunka ku rabia òf na un manera kruel.

“Yunan, obedesé boso mayornan.” —Efesionan 6:1

Yunan, dikon boso mester obedesé boso mayornan?

• Proverbionan 23:22-25; Kolosensenan 3:20

  Si bo obedesé bo mayornan, lo bo hasi Yehova i bo mayornan felis.

• 1 Korintionan 15:33

  Buska amigunan ku ta stima Yehova. E ora ei lo ta mas fásil pa bo hasi loke ta bon.