“Sali for di meimei di nan, i separá boso, . . . i stòp di mishi ku loke ta impuru.”—2 Korintionan 6:17

Dikon ta malu pa usa imágen i venerá antepasado?

• Éksodo 20:4, 5; 1 Huan 5:21

  Yehova no ke pa nos usa imágen den nos adorashon.

• Deuteronomio 18:10-12

  Esnan ku ta konsultá ku e mortonan en realidat ta komuniká ku demoñonan.

“Sigui hasi sigur di loke ta agradá Señor.” —Efesionan 5:10

Kiko por yuda bo disidí si bo por selebrá un dia di fiesta?

• Ezekiel 44:23; 2 Korintionan 6:14, 15

  Wak si e tin orígen pagano.

• Éksodo 32:2-10

  E echo ku hende ta selebrá un fiesta ku bon intenshon no ta nifiká ku Dios ta aprobá e selebrashon akí.

• Daniel 3:1-27

  Evitá dianan di fiesta ku ta halsa hende, organisashonnan humano òf símbolonan nashonal.

• 1 Timoteo 1:18, 19

  Usa sano huisio, pero hasi sigur pa bo keda ku un bon konsenshi dilanti di Yehova.

“Laga boso palabranan semper ta ku grasia, sasoná ku salu, pa boso por sa kon boso mester kontestá kada persona.”—Kolosensenan 4:6

Kon bo mester splika bo kreensianan na otro hende?

• Mateo 7:12

  Respetá e punto di bista di otro hende meskos ku bo ke pa nan respetá esun di bo.

  2 Timoteo 2:24

• Sea semper amabel, i no diskutí ku otro hende tokante bo kreensianan.

• 1 Pedro 3:15

  Defendé bo kreensianan na un manera suave i ku rèspèt.

• Hebreonan 10:24, 25

  Na reunionnan kristian, lo bo haña animashon i yudansa pa sa kiko bo mester bisa ora hende kuestioná bo kreensianan.