“Henter e Skritura ta inspirá di Dios.”—2 Timoteo 3:16

Kiko ta hasi Beibel distinto for di tur otro buki?

Hende a tradusí Beibel den mas o ménos 2.600 idioma i a imprimí míles di miónes di ehemplar.

Beibel tin informashon ku nos no por haña niun otro kaminda.

• 1 Tesalonisensenan 2:13

  Dios ta e Outor di Beibel.

• 2 Pedro 1:21

  Dios a guia hende pa ekspresá su pensamentunan.

“Dios . . . no por gaña.”—Tito 1:2

Dikon bo por konfia loke Beibel ta bisa?

• Isaías 44:27–45:2

  Sientos di aña di antemano, Beibel a profetisá kon Babilonia lo a ser konkistá.

• 2 Timoteo 3:​1-5

  Profesianan di Beibel ta kumpliendo den nos tempu.

• Numbernan 23:19

  Nos por tin sigur ku loke Beibel ta bisa tokante futuro lo kumpli.

“Ami ta SEÑOR bo Dios, kende ta siña bo, pa bo prosperá.”—Isaías 48:17

Kiko bo a siña tokante Beibel?

• Yòb 26:7; Isaías 40:22

  Beibel ta eksakto den asuntunan sientífiko.

• Numbernan 20:2-12

  E eskritornan di Beibel tabata hende onesto.

• Mateo 5-7

  Hesus a duna nos konseho tokante kon pa haña felisidat, kon pa sali bon ku otro hende, kon pa hasi orashon i kon nos tin ku mira plaka.

“E palabra di Dios ta bibu i poderoso.” —Hebreonan 4:12

Kon e Palabra di Dios por yuda bo?

• E por yuda bo komprondé kiko ta Dios su propósito.

• E por yuda bo haña sa ki tipo di hende bo ta.

• E por yuda bo mira kiko Dios ta ferwagt di bo.

Dios ke pa bo lesa, studia i stima Beibel.