‘E Yu di hende a bini pa duna su alma komo reskate a kambio di hopi hende.’—Mateo 20:28

Dikon nos tin mester di e reskate?

• Génesis 3:17-19

  Ora Adam a desobedesé Dios, el a pèrdè e amistat spesial ku e tabatin ku Yehova, su bida perfekto i tambe su hogar den Paradeis.

• Romanonan 5:12

  Debí na loke Adam a hasi, nos a heredá piká i morto.

• Efesionan 1:7

  E reskate ta e medio ku Yehova lo usa pa libra hende for di piká i morto.

“Dios a manda su Yu unigénito na mundu pa nos por haña bida pa medio di dje.”—1 Huan 4:9

Kon Yehova a perkurá e reskate?

• Salmo 49:7, 8

  Ningun hende lo por a paga e reskate pa e bida perfekto ku Adam a pèrdè.

• Lukas 1:35

  Yehova a manda su Yu presioso na tera pa e nase komo un hende perfekto.

• Romanonan 3:23, 24; Hebreonan 9:24

  Despues ku Hesus a resusitá, el a bai shelu bèk. Einan, el a ofresé Yehova e balor di su bida humano perfekto komo e reskate.

Dios lo “seka tur lágrima for di nan wowo, i lo no tin morto mas.”—Revelashon 21:4

Kon nos por benefisiá di e reskate?

• 1 Huan 1:8, 9

  Nos por haña pordon pa nos pikánan.

• Hebreonan 9:13, 14

  Nos por tin un konsenshi limpi dilanti di Dios.

• Romanonan 6:23

  Nos tin e speransa di bida eterno.

• Galationan 2:​20

  E regalo di e reskate ta duna prueba ku Yehova i Hesus di bèrdat ta stima nos.

“Dios . . . a duna su Yu unigénito, pa tur ku pone fe den dje . . . haña bida eterno.”—Huan 3:16

Kon nos por mustra ku nos ta gradisidu pa Dios su regalo di e reskate?

• Huan 17:3

  Siña konosé Yehova i Hesus anto imitá nan.

• Lukas 22:19

  Asistí tur aña na e Konmemorashon di e morto di Hesus.

• Huan 3:36; Santiago 2:26

  Nos no mester djis bisa ku nos ta kere den Hesus. Nos mester hasi tambe loke Hesus a siña nos.