“E mortonan no sa nada.”—Eklesiástes 9:5

Kiko ta pasa ora nos muri?

• Salmo 146:3, 4; Eklesiástes 9:6, 10

  Ora nos muri, nos no por mira ni tende ni pensa mas.

• Huan 11:11-14

  Hesus a kompará morto ku soño.

“Di e palu di konosementu di bon i malu lo bo no kome, pasobra e dia ku bo kome di dje, lo bo muri sigur.”—Génesis 2:17

Dikon nos ta muri?

• Génesis 3:1-6

  Satanas a gaña Eva tokante kiko lo a pasa si e desobedesé e mandamentu di Dios. Ora Adam ku Eva a desobedesé Yehova, nan a peka i ku tempu nan a muri.

• Génesis 3:19

  Ora Adam a muri, el a stòp di eksistí.

• Romanonan 5:12

  Piká ta manera un malesa teribel ku nos a heredá di nos promé mayornan. Nos tur ta nase pekadó, p’esei nos ta muri.

• 1 Korintionan 15:26

  Beibel ta yama morto un enemigu.

“Si un hende muri, lo e bolbe biba? . . . Lo mi spera, te ora mi liberashon bini.”—Yòb 14:14

Awor ku nos sa e bèrdat tokante morto, kon esaki ta libra nos di siñansanan robes?

• 1 Huan 4:8

  E siñansa di fièrnu di kandela ta un insulto kontra Yehova. Nunka lo e laga hende sufri asina.

• Revelashon 4:11

  Hopi hende tin miedu di e mortonan i ta venerá nan en bes di adorá Yehova. Yehova ta e Dios berdadero; ta é so nos mester adorá.