“E último enemigu ku lo e kaba kuné ta morto.”—1 Korintionan 15:26

Kon Beibel ta duna nos konsuelo ora un hende muri?

• 2 Korintionan 1:3, 4

  Ora un famia òf un bon amigu muri, nos por sinti nos kibrá. Beibel ta duna nos konsuelo.

• Isaías 25:8; 26:19

  Yehova tin e poder pa kaba ku morto pa semper. Asta hende ku a muri kaba lo haña bida bèk.

“Hobensita, mi ta bisa bo: ‘Lanta ariba!’”—Marko 5:41

Dikon nos por tin fe den e resurekshon?

• Huan 11:1-44

  Hesus a resusitá Lázaro.

• Marko 5:22-24, 35-42

  Hesus a resusitá un hobensita.

• Huan 11:41, 42

  Hesus a resusitá hende ku Yehova su poder.

• Huan 12:9-11

  Tabatin hopi testigu ku a mira Hesus resusitá hende ku a muri. Asta e enemigunan di Hesus tabata sa ku e por a hasi esei.

“Abo lo yama, i ami lo kontestá bo; lo bo anhelá na e obra di bo mannan.”—Yòb 14:13-15

Ken lo haña resurekshon?

• Huan 5:28, 29

  Tur esnan ku ta den Yehova su memoria lo haña bida atrobe.

• Echonan 24:15

  Tantu hende hustu komo inhustu lo ser resusitá.

• Isaías 40:26

  Yehova por kòrda nòmber di tur e streanan, pues ta fásil pa e kòrda tur detaye di e hendenan ku e lo resusitá.

“Mi ta bai pa prepará un lugá pa boso.”—Huan 14:2

Ken lo haña resurekshon pa biba den shelu?

• 1 Pedro 3:18

  Hesus tabata e promé persona ku a ser resusitá pa biba den shelu.

• Lukas 12:32

  Hesus a bisa ku un grupo chikitu di su disipelnan so lo haña resurekshon pa biba den shelu.

• Revelashon 14:1

  Yehova a skohe 144.000 hende pa biba den shelu.