“Laga bo Reino bini. Laga bo boluntat sosodé, meskos ku den shelu, tambe riba tera.” —Mateo 6:​9-​13

Kiko e Reino di Dios ta?

• Revelashon 11:15

  Dios su Reino, òf gobièrnu, lo goberná tera for di shelu.

• 1 Timoteo 6:15

  Hesus ta e Rei di e Reino di Dios.

• Revelashon 14:1, 4

  144.000 hende lo goberná huntu ku Hesus for di shelu.

• Hebreonan 4:15; 5:8

  Hesus i e 144.000 ta komprondé nos sintimentunan i e problemanan ku nos ta konfrontá.

“Ku hustisia e lo husga e pobernan.”—Isaías 11:4

Dikon Hesus ta e mihó persona pa goberná komo Rei di e Reino?

• 1 Timoteo 6:16

  Tur gobernante humano ta muri ku tempu, pero Hesus hamas lo muri. Tur e bon kosnan ku Hesus lo hasi pa nos lo dura pa semper.

• Isaías 11:2-4

  Hesus por hasi mas ku kualke gobernante humano. E ta mas poderoso ku tur gobernante humano huntu. E ta hustu i kompasivo.

“E Dios di shelu lo lanta un reino ku nunka lo no wòrdu destruí.”—Daniel 2:44

Kiko e Reino a hasi kaba? Kiko lo e hasi den futuro?

• Revelashon 12:7-12

  Despues ku Hesus a bira Rei na 1914, el saka Satanas for di shelu i tir’é abou riba tera. Ta p’esei tin asina tantu problema, doló i sufrimentu rònt mundu.

• Eklesiástes 8:9; Revelashon 16:16

  Na Armagedon, e Reino di Dios lo destruí tur gobièrnu humano kruel i korupto.

• Salmo 37:10

  Hende ku ta sigui hasi maldat lo ser destruí.

• Revelashon 22:1-3

  Ora e Reino di Dios goberná tera, ningun hende lo bira malu òf muri. Tur hende lo onra e nòmber di Dios.