Parti 4: For di e Promé Rei di Israel te na Koutiverio na Babilonia
Saul a bira e promé rei di Israel. Pero Yehova a rechas’é, i a skohe David pa ser rei na su lugá. Nos lo siña hopi tokante David. Komo un hóben, el a bringa kontra e gigante Goliat. Despues el a hui for di Saul e rei yalurs. Anto e bunita señora Abigail a evitá ku David a hasi un kos bobo.
Despues nos lo siña hopi kos tokante Salomon yu di David, kende a tuma e lugá di David komo rei di Israel. E promé tres reinan di Israel a reina kada un pa 40 aña. Despues di morto di Salomon, Israel a parti den dos reino, un reino di nort i un di zùit.
E reino di nort di 10 tribu a eksistí pa 257 aña promé ku Asiria a destruyé. Anto 133 aña despues, e reino di zùit di dos tribu tambe a wòrdu destruí. N’e tempu ei e israelitanan a wòrdu hibá prezu na Babilonia. P’esei, Parti KUATER ta kubri 510 aña di historia. Durante e tempu ei hopi kos eksitante lo pasa dilanti nos bista.
