Beibel no solamente ta duna nos relatonan eksakto di loke a sosodé den pasado, sino tambe e ta bisa nos kiko lo sosodé den futuro. Hende no por bisa nos nada di futuro. P’esei mes nos sa ku Beibel ta e Palabra di Dios. Kiko Beibel ta bisa tokante futuro?

E ta konta nos tokante e gran guera di Dios. Den e guera ei Dios lo eliminá tur maldat i mal hende for di tera, pero lo e protehá hende ku ta sirbié. Hesukristu, ku Dios a hasi rei, lo perkurá pa sirbidónan di Dios gosa di pas i felisidat, i pa nan no bira malu nunka mas ni muri.

Nos por ta kontentu ku Dios lo establesé un paradeis nobo riba tera, no ta bèrdat? Pero nos tin ku hasi algu pa nos biba den e paradeis ei. Den e último relato di e buki aki nos ta siña kiko nos tin ku hasi pa nos disfrutá di e kosnan maravioso ku Dios tin prepará pa hende ku ta sirbié. P’esei, lesa PARTI 8 i haña sa loke Beibel ta profetisá pa futuro