Kon bo por benefisiá di e lèsnan di Beibel ku tin den e foyeto akí?
Laga un persona yuda bo: Bo por sea pidi e persona ku a duna bo e foyeto akí un kurso di Beibel òf bai na nos website jw.org i pidi un kurso di Beibel.
PROMÉ PARTI
Lesa kada paragraf, inkluso e preguntanan ku lèter diki (A) i e tekstonan di Beibel (B) ku ta enfatisá e puntonan prinsipal. Lesa tur e tekstonan ku tin e palabra “lesa” nan dilanti.
DI DOS PARTI
E sekshon Kiko Mas Nos Por Siña? ta splika loke lo ser tratá den kada lès (C). E suptemanan (D) ta mustra kiko ta e puntonan prinsipal. Lesa e tekstonan, kontestá e preguntanan i wak e vidionan (E).
Wak e plachinan bon i lesa deskripshon di e plachinan (F), anto pensa kon lo bo kontestá e preguntanan bou di Loke Hende Sa Bisa (G).
ÚLTIMO PARTI
Na final di kada lès, tin un Resúmen i Repaso (H). Despues ku bo kaba un lès, yena e fecha ku bo a kompletá e lès ei. Bou di Meta (I), lo bo haña sugerensia ku por yuda bo progresá mas ainda. Bou di Mas Informashon Interesante (J), bo ta haña mas informashon ku bo por lesa òf wak.
Kon bo por buska e tekstonan di Beibel?
Un teksto di Beibel ta konsistí di tres parti: nòmber di e buki di Beibel (A), kapítulo (B) i versíkulo (C). Por ehèmpel, Huan 17:3 ta referí na e buki di Beibel Huan, kapítulo 17 i versíkulo 3.
Otro Artíkulo Interesante
PREGUNTA KU HOPI HENDE SA HASI
Kon un Kurso di Beibel Ku Testigunan di Yehova Ta Bai?
Pa sigui un kurso di Beibel interaktivo grátis ku Testigunan di Yehova, bo por usa kualke tradukshon di Beibel ku bo ta preferá. Sinti bo liber pa invitá henter bo famia òf kualke amigu pa sigui e kurso di Beibel huntu ku bo.
