LÈS 39
Dios Su Punto di Bista Tokante Sanger
Sanger ta importante, pasobra sin dje nos no por biba. Komo nos Kreador, Dios tin derecho di bisa nos kon pa usa sanger. Kiko el a bisa tokante sanger? Nos mag kome sanger òf aseptá transfushon di sanger? Kon bo por tuma bon desishon relashoná ku uso di sanger?
1. Kiko ta Yehova su punto di bista tokante sanger?
Den tempu di Beibel, Yehova a bisa su sirbidónan: “Bida di un kriatura ta den su sanger.” (Levítiko 17:14, BPK) Pues, pa Yehova, sanger ta representá bida. Komo ku bida ta un regalo di Dios i ta algu sagrado òf santu, sanger tambe ta sagrado.
2. Dios ta prohibí algun manera di usa sanger?
Hopi tempu promé ku e kongregashon kristian a ser formá, Yehova a duna su sirbidónan e mandamentu pa no kome sanger. (Lesa Génesis 9:4 i Levítiko 17:10.) Anto ora e kongregashon kristian a ser formá, Yehova a bolbe ripití e mandamentu akí. Kuerpo gobernante, esta, e grupo di apòstel- i ansianonan ku tabata dirigí e kongregashon den promé siglo, a duna e kristiannan e siguiente instrukshon: “Sigui apstené . . . di sanger.”—Lesa Echonan 15:28, 29.
Kiko ke men apstené di sanger? Pensa riba lo siguiente: Si un dòkter bisa bo apstené di alkohòl, lo bo no bebe alkohòl. Pero lo bo por kome kuminda ku tin alkohòl den dje òf inyektá alkohòl den bo benanan? Klaru ku nò! Di mes manera, Dios su mandamentu pa apstené di sanger ta nifiká ku nos no mester kome ni bebe sanger ni kome karni di bestia ku hende no a laga sangra bon. Ademas, nos mester evitá kualke kos di kome ku tin sanger den dje.
Awor kiko di e uso médiko di sanger? Tin algun tratamentu médiko ku klaramente ta bai kontra Dios su lei. E tratamentunan ei ta inkluí transfushon di sanger kompleto òf di kualke un di su komponentenan prinsipal, esta, sèl kòrá (glóbulo kòrá), sèl blanku (glóbulo blanku), plaketa i plasma. Pero tin otro tratamentu médiko ku no ta masha kla si nan ta bai kontra Dios su leinan òf nò. Por ehèmpel, algun tratamentu médiko ta usa frakshon di un di e komponentenan prinsipal di sanger. Otro tratamentu médiko ta usa sanger di e persona mes. Ora ta trata di un di e opshonnan ei, kada persona tin ku tuma su mes desishon. a—Galationan 6:5.
KIKO MAS NOS POR SIÑA?
Laga nos wak kiko nos tin ku tene kuenta kuné ora di skohe tratamentu médiko.
3. Skohe tratamentu médiko ku ta agradá Yehova
Kon bo por skohe un tratamentu médiko ku ta na armonia ku Dios su punto di bista tokante sanger? Pasa e VIDIO. Despues, analisá dikon ta importante pa sigui e siguiente stapnan:
-
Pidi Dios pa sabiduria.—Santiago 1:5.
-
Buska prinsipio di Beibel i wak kon bo por apliká nan den bo situashon.—Proverbionan 13:16.
-
Haña sa ki tratamentu médiko ta disponibel kaminda bo ta biba.
-
Wak kua tratamentu médiko sigur lo bo no aseptá.
-
Hasi sigur ku bo desishon ta laga bo ku un konsenshi limpi.—Echonan 24:16. b
-
Kòrda ku ningun hende—ni bo kasá, ni un ansiano ni e persona ku ta studia Beibel ku bo—no por bisa bo kiko pa hasi ora ta trata di un asuntu di konsenshi.—Romanonan 14:12.
-
Skirbi ki desishon bo a tuma pa asina otro hende por ta na altura di bo desishon.
4. Testigunan di Yehova ke haña e mihó tratamentu médiko
Nos por obedesé Dios su leinan tokante sanger i na mes momento haña bon tratamentu médiko ku no ta enbolbé sanger. Pasa e VIDIO.
Lesa Tito 3:2. Despues, analisá e siguiente pregunta:
-
Dikon semper nos mester ta respetuoso i kalmu ora nos ta papia ku dòkter?
|
Nos no ta aseptá |
Desishon personal |
|---|---|
|
A. Plasma di sanger |
Frakshon di plasma |
|
B. Sèl blanku |
Frakshon di sèl blanku |
|
C. Plaketa |
Frakshon di plaketa |
|
D. Sèl kòrá |
Frakshon di sèl kòrá |
5. Frakshon di sanger
Sanger tin kuater komponente prinsipal—sèl kòrá, sèl blanku, plaketa i plasma. E komponentenan akí ta konsistí di vários frakshon chikitu di sanger. c Algun frakshon di sanger ta ser usá den remedi pa yuda kombatí malesa òf pa stòp sangramentu.
Ora ta trata di frakshon di sanger, kada kristian mester tuma su mes desishon basá riba su konsenshi ku ta bíblikamente entrená. Algun kristian por disidí ku nan no ta aseptá un tratamentu òf prosedura médiko den kua ta usa frakshon di sanger. Otro kristian ta sinti ku nan konsenshi sí ta permití nan aseptá frakshon di sanger.
Ora bo tin ku tuma un desishon, pensa riba e pregunta akí:
-
Kon mi por splika mi dòkter dikon mi ta aseptá òf rechasá sierto frakshon di sanger?
LOKE HENDE SA BISA: “No tin nada malu den duna sanger òf aseptá transfushon di sanger.”
-
Kiko abo ta pensa?
RESÚMEN
Yehova ke pa nos mira sanger komo algu sagrado.
Repaso
-
Dikon sanger ta sagrado pa Yehova?
-
Kon nos sa ku Dios su mandamentu pa apstené di sanger ta inkluí transfushon di sanger?
-
Kiko por yuda bo tuma bon desishon tokante uso médiko di sanger?
MAS INFORMASHON INTERESANTE
Riba kiko bo mester pensa promé ku bo disidí si bo ta aseptá un prosedura médiko ku ta usa bo mes sanger?
“Pregunta di Lektor” (E Toren di Vigilansia di 15 di òktober 2000)
Kiko bo mester tene kuenta kuné ora di disidí si lo bo aseptá frakshon di sanger?
“Pregunta di Lektor” (E Toren di Vigilansia di 15 di yüni 2004)
Kiko a konvensé un dòkter ku Dios su punto di bista di sanger ta rasonabel?
“Mi A Aseptá Dios Su Punto di Bista di Sanger” (Spièrta! di 8 di desèmber 2003)
Haña sa kon e ansianonan ku ta forma parti di Komité di Kontakto ku Hospital ta yuda nan rumannan.
c Algun dòkter ta mira e kuater komponentenan prinsipal di sanger komo frakshon di sanger. P’esei, bo tin ku hasi sigur ku bo dòkter ta komprondé bo desishon pa no aseptá transfushon di sanger kompleto ni di sèl kòrá, sèl blanku, plaketa òf plasma.
Otro Artíkulo Interesante
PREGUNTA KU HOPI HENDE SA HASI
Kon un Kurso di Beibel Ku Testigunan di Yehova Ta Bai?
Pa sigui un kurso di Beibel interaktivo grátis ku Testigunan di Yehova, bo por usa kualke tradukshon di Beibel ku bo ta preferá. Sinti bo liber pa invitá henter bo famia òf kualke amigu pa sigui e kurso di Beibel huntu ku bo.
