LÈS 12
Kariño i Kompashon
1 Tesalonisensenan 2:7, 8
RESÚMEN: Papia ku sintimentu i sinseridat, i mustra bo oyentenan ku bo ta realmente interesá den nan bienestar.
KON PA LOGR’É:
-
Pensa riba bo oyentenan. Kòrda riba e problemanan ku nan tin, i purba di imaginá kon nan ta sinti. Asina bo ta prepará bo kurason.
-
Skohe bo palabranan bon. Purba di konsolá, animá i fortalesé bo oyentenan. Evitá ekspreshon ku lo por ofendé nan. No papia kos negativo di hende ku no ta kere den Yehova ni di loke nan ta kere sinseramente.
-
Demostrá bo interes. Laga bo tono di bos ta kariñoso i laga bo gestonan mustra bo oyentenan ku bo ta realmente interesá den nan bienestar. Tene kuenta ku bo ekspreshon di kara; purba di smail ku frekuensia.