LÈS 19
Hasi Esfuerso pa Yega na Kurason
KON PA LOGR’É:
-
Yuda bo oyentenan analisá nan mes. Hasi pregunta ku ta yuda bo oyentenan analisá nan sintimentunan.
-
Animá nan pa kultivá e motivashon korekto. Urgi bo oyentenan pa analisá pakiko nan ta hasi bon obra. Yuda nan kultivá e mihó motivashon ku tin, esta, amor pa Yehova, pa próhimo i pa loke Beibel ta siña. Rasoná ku bo oyentenan pa nan mira e sabiduria di loke Beibel ta bisa; no skual nan. En bes di brongosá nan, sòru pa despues di bo presentashon, nan ta sinti nan mes enkurashá i motivá pa hasi nan bèst.
-
Dirigí atenshon na Yehova. Enfatisá kon e siñansa-, prinsipio- i mandamentunan di Beibel ta reflehá Dios su kualidatnan i su amor. Kultivá den bo oyentenan e deseo pa tene kuenta ku Yehova su sintimentunan i pa agrad’é.