LÈS 6
Splika Pakiko A Usa un Teksto Bíbliko
Huan 10:33-36
RESÚMEN: No djis lesa un teksto i sigui mesora pa e siguiente punto. Hasi sigur ku bo oyentenan ta komprondé e konekshon entre e teksto ku bo a lesa i e punto ku bo ke trese dilanti.
KON PA LOGR’É:
-
Resaltá e palabranan klave. Despues ku bo lesa un teksto, resaltá e palabranan ku ta relashoná direktamente ku bo punto prinsipal. Pa hasi esaki, bo por ripití e palabranan ei òf hasi un pregunta ku ta animá bo oyentenan pa identifiká e palabranan klave.
-
Enfatisá e punto ku bo ke pa hende kòrda. Si ora di introdusí un teksto bo bisa pakiko bo ta lesa e teksto, splika despues di les’é kon e palabranan klave di e teksto ta apoyá e motibu ei.
-
Laga bo aplikashon keda simpel. Evitá di menshoná detaye ku no ta al kaso i ku no ta apoyá e punto klave. Dependiendo di loke bo oyentenan sa kaba di e tópiko, bo ta disidí kuantu informashon nan mester pa e aplikashon por ta kla i komprendibel.