For di yanüari 2016, e último página di e edishon pa públiko di E Toren di Vigilansia tin un sekshon titulá: “Kiko Beibel Ta Bisa?” Meta di e sekshon akí ta pa yuda nos kuminsá un kòmbersashon. E tin mesun formato ku nos tratadonan, esta, un pregunta di punto di bista, un kontesta basá riba Beibel i algun puntonan adishonal.

Kòmbersashonnan plasentero basá riba temanan bíbliko hopi biaha ta hiba na un estudio di Beibel. Pues, usa e sekshon akí pa yuda otro hende satisfasé nan hamber spiritual.—Mat 5:6.

1. Puntra e persona su opinion riba un di e preguntanan

2. Skucha su kontesta i yam’é danki

3. Lesa e teksto ku tin bou di e suptema “Loke Beibel Ta Bisa,” i puntra e persona kiko e ta pensa di dje. Si e tin tempu, trata un di e puntonan bou di e suptema “Kiko Mas Nos Por Siña for di Beibel?”

4. Ofresé e persona e revista

5. Traha un afsprak pa bo bolbe i trata e di dos pregunta