Ken nos mester duna un kaluroso bon biní? Tur hende ku ta asistí na nos reunionnan, sea ku ta pa promé biaha nan ta bini òf nan tin hopi tempu ta asistí na nos reunionnan. (Rom 15:7; Heb 13:2) E por ta un ruman di otro pais ku ta di bishita òf un ruman inaktivo ku tin hopi tempu sin bini reunion. Kon abo lo a sinti bo si bo tabata e persona ei? Lo bo sinti bo bon si e rumannan duna bo un kaluroso bon biní, no ta bèrdat? (Mat 7:12) P’esei, ta bon pa nos hasi esfuerso pa kumindá nos rumannan i e bishitantenan, sea promé òf despues di reunion. Esei lo yuda krea un dushi ambiente, ku ta duna onor na Yehova. (Mat 5:16) Klaru, lo bo no por papia ku tur hende presente. Sinembargo, si nos tur hasi nos parti, tur hende lo sinti nan bon biní. *

Semper nos mester mustra hospitalidat, no solamente na okashonnan spesial manera Memorial. Ora un hende ku bini pa promé biaha mira e amor ku tin entre nos, e tambe por sintié motivá pa alabá i adorá Yehova.—Hua 13:35.