NOS BIDA KRISTIAN
Pa Hasi Disipel, Nos Mester Prediká i Siña Hende
Hesus a manda su siguidónan pa bai i hasi disipel. (Mat 28:19) Esaki ta enserá prediká i siña hende. Tempu tempu, nos tur mester puntra nos mes: ‘Kon mi por mehorá den e aspektonan importante akí di e trabou di hasi disipel?’
PREDIKÁ
En bes di warda pa hende aserká nos, nos mester tuma inisiativa i bai buska esnan ku ta “digno.” (Mat 10:11) Ora nos ta den sirbishi, nos ta probechá di tur oportunidat pa papia ku hende ku ‘pa kasualidat ta einan’? (Ech 17:17) Lidia a bira un disipel di Hesus pasobra apòstel Pablo tabata un predikadó diligente.—Ech 16:13-15.
“Sembra bo simia mainta, i no keda sin hasi nada atardi” (Ekl 11:6)
WAK E VIDIO SIGUI PREDIKÁ “SIN STÒP”—INFORMALMENTE I DI KAS PA KAS, I DESPUES KONTESTÁ E SIGUIENTE PREGUNTANAN:
-
Den Samuel su rutina di tur dia, kon el a mustra ku el a hasi esfuerso pa planta simia di e bèrdat?
-
Dikon nos mester hasi esfuerso pa partisipá den tur forma di predikashon?
-
Durante bo rutina di tur dia, ku ken bo por papia tokante e mensahe di Reino?
SIÑA HENDE
Pa hasi disipel, nos mester hasi mas ku solamente laga literatura ku hende. Pa nos por yuda nan progresá spiritualmente, nos mester rebishitá nan i kuminsá un estudio di Beibel ku nan. (1Ko 3:6-9) Pero, kiko si nos esfuersonan pa siña un hende bèrdat di e Reino no duna resultado? (Mat 13:19-22) Nos mester sigui buska hende ku nan kurason ta manera “bon tera.”—Mat 13:23; Ech 13:48.
“Ami a planta e simia, Apolo a muh’é, pero ta Dios a pon’é sigui krese” (1Ko 3:6)
WAK E VIDIO SIGUI PREDIKÁ “SIN STÒP”—PÚBLIKAMENTE I HASI DISIPEL, I DESPUES KONTESTÁ E SIGUIENTE PREGUNTANAN:
-
Kon Silvio ku Mary a muha simia di e bèrdat den kurason di Ezekiel ku Abigail?
-
Kiko mester ta nos meta ora nos ta partisipá den tur aspekto di sirbishi, inkluso ora di prediká na lugánan públiko?
-
Kiko nos mester hasi tin biaha pa mustra ku siña hende e bèrdat ta hopi importante pa nos?
