DIKON ESAKI TA IMPORTANTE: Pa un hende su adorashon por ta aseptabel pa Yehova, e persona akí tin ku siña Yehova su prinsipionan i apliká nan den su bida. (Isa 2:3, 4) Anto e di dos buki di estudio, esta, e buki “Amor di Dios,” ta siña e studiante kon pa apliká prinsipionan di Beibel den su bida. (Heb 5:14) Durante e estudio, nos mester purba di yega na kurason di e studiante. Di e manera ei, su kurason lo motiv’é pa hasi e kambionan nesesario.—Rom 6:17.

KON PA HASI ESAKI:

• Prepará bon pa e estudio ku e nesesidatnan di e studiante na mente. Hasi e studiante pregunta pa e por duna su opinion asina bo por saka afó kiko e ta pensa i sinti.—Pro 20:5; be 259

• Usa e kuadronan pa yuda e studiante mira e balor di apliká prinsipionan di Beibel

• Yuda e studiante rasoná riba asuntunan di konsenshi, pero no tuma desishon p’e.—Gal 6:5

• Ku takto, purba di saka afó si e studiante mester di yudansa pa apliká sierto prinsipio di Beibel. Bondadosamente anim’é pa hasi e kambionan debí na su amor pa Yehova.—Pro 27:11; Hua 14:31