NOS BIDA KRISTIAN
Kon pa Mehorá Bo Sirbishi—Para un Estudio di Beibel Ku No Ta Progresá
DIKON ESAKI TA IMPORTANTE: Beibel ta bisa ku hende mester invoká e nòmber di Yehova pa haña salbashon. (Rom 10:13, 14) Sinembargo, no ta tur hende ku aseptá un estudio di Beibel ke biba segun Yehova su normanan. Pues, pa nos hasi bon uso di nos tempu den sirbishi, nos mester yuda hende ku di bèrdat ke hasi kambio pa agradá Yehova. P’esei, si un studiante di Beibel no hasi progreso den un periodo di tempu rasonabel, lo ta sabí pa stòp e estudio i yuda hende ku Yehova ta hala serka dje i na su organisashon. (Hua 6:44) Ta klaru ku si e persona hasi kambio despues i demostrá ku e ta “dispuesto pa aseptá e bèrdat ku ta hiba na bida eterno,” gustosamente nos lo kuminsá studia kuné atrobe.—Ech 13:48.
KON PA HASI ESAKI:
-
Elogiá e studiante pa e echo ku e ke siña bèrdat bíbliko.—1Ti 2:4
-
Splika e studiante ku ta importante pa apliká loke el a siña.—Luk 6:46-49
-
Bondadosamente, analisá huntu ku e studiante e ilustrashon di Hesus tokante e sembradó i anim’é pa e pensa kiko por ta strob’é di hasi progreso.—Mat 13:18-23
-
Usa takto pa splika e studiante dikon bo ta stòp e estudio di Beibel
-
Laga e studiante sa ku de bes en kuando lo bo yam’é òf bishit’é pa anim’é i ku den futuro e por sigui ku su estudio di Beibel si e hasi progreso
WAK E VIDIO, I DESPUES KONTESTÁ E SIGUIENTE PREGUNTANAN:
-
Kiko den e kòmbersashon ta indiká ku e studiante no tabata hasi progreso spiritual?
-
Kon e publikadó a splika e studiante ku e mester hasi kambio?
-
Kon e publikadó a laga e studiante sa ku e por sigui ku e estudio ora e studiante kuminsá hasi progreso atrobe?