Ora bo wak un flor kolorido, shelu yen di strea òf un waterval impreshonante, bo ta pensa riba e Kreador? E kualidatnan invisibel di Yehova ta ser mirá bon kla den kreashon. (Rom 1:20) Ora nos tuma tempu pa pensa riba loke nos ta mira, Dios su poder, amor, sabiduria, hustisia i generosidat lo ta mas bisto.—Sl 104:24.

Tin algu den Yehova su kreashon ku bo ta tuma nota di dje tur dia? Asta si bo ta biba den stat, bo por mira para òf palu. Ora nos ta opservá Yehova su kreashon bon, esei por redusí ansiedat i yuda nos haña un punto di bista balansá di nos preokupashonnan. Ademas, nos lo haña mas konfiansa den Yehova su kapasidat di perkurá pa nos pa tur eternidat. (Mat 6:25-32) Si bo tin yu, yuda nan mira ku Yehova su kualidatnan ta inkomparabel. Segun ku nos ta haña mas apresio pa tur loke Yehova a krea, nos lo hala mas serka nos Kreador.—Sl 8:3, 4.

WAK E VIDIO LAS MARAVILLAS DE LA CREACIÓN REVELAN LA GLORIA DE DIOS: LA LUZ Y LOS COLORES, I DESPUES KONTESTÁ E SIGUIENTE PREGUNTANAN:

• Kon bini nos por mira koló?

• Dikon algun koló ta kambia ora bo wak nan for di un otro ángulo?

• Dikon nos por mira diferente koló den shelu?

• Kaminda bo ta biba, ki koló impreshonante bo a mira den naturalesa?

• Dikon nos mester tuma tempu pa opservá naturalesa?