TESORONAN DI E PALABRA DI DIOS | MATEO 25
“Keda Vigilá”
Aunke Hesus a apliká e ilustrashon di e dies bírgennan na kristiannan ungí, nos tur por saka lès for di dje. (w15 15/3 12-16) Hesus a bisa: “P’esei, keda vigilá, pasobra boso no sa ni e dia ni e ora.” (Mat 25:13) Bo por splika e ilustrashon di Hesus?
-
Brùidehòm (vs. 1): Hesus
-
E bírgennan prudente i ku tabata prepará (vs. 2): Kristiannan ungí ku ta fiel i ta prepará pa kumpli ku nan asignashon, ta “bria komo kargadó di lus” te na fin (Flp 2:15)
-
E gritu: “Ata e brùidehòm!” (vs. 6): Evidensia di e presensia di Hesus
-
Bírgennan bobo (vs. 8): Kristiannan ungí ku ta sali pa bai kontra ku e brùidehòm pero ku no a keda vigilá i a bira infiel
-
E bírgennan prudente ta nenga di kompartí nan zeta (vs. 9): Despues di e seyo final, ta muchu lat pa e ungínan fiel yuda esnan ku a bira infiel
-
“E brùidehòm a yega” (vs. 10): Hesus ta bini pa husga kasi na final di e tribulashon grandi
-
E bírgennan prudente ta drenta e fiesta di kasamentu huntu ku e brùidehòm i e porta ta sera (vs. 10): Hesus lo reuní e ungínan fiel den shelu, pero esnan infiel lo pèrdè nan rekompensa selestial
