Ta fásil pa prueba desanimá nos, spesialmente ora ta parse ku nan ta dura largu. David tabata sa ku e situashon difísil ku e tabata aden pa motibu di Rei Saul lo a kaba un dia i ku lo el a bira rei manera Yehova a primintí. (1Sa 16:13) David su fe a yud’é tin pasenshi i warda pa Yehova kambia e situashon.

Tin biaha ora nos ta bou di prueba, nos por usa sabiduria, konosementu òf nos kapasidat di pensa pa kambia nos situashon. (1Sa 21:12-14; Pro 1:4) Sinembargo, tin difikultat ku lo persistí asta ora nos a hasi tur loke nos por na armonia ku prinsipio di Beibel. Den kasonan asina, nos mester tin pasenshi i warda riba Yehova. Pronto lo e kaba ku tur sufrimentu i “seka tur lágrima” for di nos wowo. (Rev 21:4) Sea ku nos haña alivio pasobra Yehova a intervení òf pa un otro motibu, un kos ta sigur: Ningun prueba no ta dura pa semper. Komo ku nos sa esei, nos ta haña konsuelo.

WAK E VIDIO UN PUEBLO UNÍ DEN UN MUNDU DIVIDÍ, I DESPUES KONTESTÁ E SIGUIENTE PREGUNTANAN:

• Ki difikultat algun kristian den e parti zùit di Merka a haña nan kuné?

• Kon nan a demostrá pasenshi i amor?

• Kon nan a sigui enfoká riba “e kosnan mas importante”?—Flp 1:10