David a derotá Goliat pasobra el a konfia den Yehova. (1Sa 17:45) Yehova ta kla pa sostené kada un di su sirbidónan. (2Kr 16:9) Kon nos por dependé riba e yudansa ku Yehova ta duna nos en bes di riba nos mes eksperensia i abilidat? Laga nos wak tres manera ku nos por hasi esei.

• Hasi orashon. No djis hasi orashon pa pidi Yehova pordon despues ku bo kometé un eror, pero pidié tambe pa yuda bo resistí un tentashon promé ku bo hasi malu. (Mat 6:12, 13) No djis pidi Yehova pa bendishoná un desishon ku bo a tuma kaba, pero pidié tambe pa su guia i sabiduria promé ku bo tuma un desishon.—Snt 1:5

• Sòru pa bo tin un bon programa di lesamentu di Beibel i estudio personal. Lesa Beibel tur dia. (Sl 1:2) Tuma tempu pa pensa riba e ehèmpelnan di Beibel i apliká e lèsnan ku bo a siña. (Snt 1:23-25) Prepará pa sirbishi i no djis dependé riba loke bo a yega di hasi den pasado. Prepará pa e reunionnan di kongregashon pa asina bo por benefisiá kompletamente di nan.

• Kooperá ku Yehova su organisashon. Keda al dia ku guia ku ta bini for di Yehova su organisashon i sea lihé pa sigui nan. (Num 9:17) Sigui konseho i guia ku e ansianonan ta duna.—Heb 13:17

WAK E VIDIO NOS NO MESTER TIN MIEDU DI PERSEKUSHON, I DESPUES KONTESTÁ E SIGUIENTE PREGUNTANAN:

• Ki miedu e rumannan tabatin?

• Kiko a yuda e rumannan akí vense nan miedu?