Ta un persona ku ta moralmente limpi so por disfrutá di un amistat será ku Yehova. (1Pe 1:14-16) Ora boso studiantenan stòp ku mal hábito, nan lo por disfrutá tambe di un mihó bida di famia i un mihó salú. Ademas, nan lo por haña benefisio finansiero.

Splika boso studiantenan bon kla kiko ta Yehova su normanan moral; yuda nan komprondé dikon Dios ta sintié asina i splika nan dikon ta benefisioso pa hasi loke Dios ta bisa nos. Hasi esfuerso pa yuda boso studiantenan kambia nan manera di pensa. E ora ei, nan lo por hasi loke Yehova ke. (Efe 4:22-24) Sigurá nan ku Yehova por yuda nan stòp ku nan mal hábito. (Flp 4:13) Siña boso studiantenan roga Yehova pa yuda nan ora nan ta sinti ku nan ta bai peka. Yuda nan rekonosé e situashonnan ku por ta un tentashon pa nan i evitá esakinan. Animá nan pa hasi kos ku ta benefisiá nan na lugá di hasi kos ku por tin mal konsekuensia pa nan. Boso lo haña goso segun ku boso ta mira boso studiantenan di Beibel hasi kambio ku yudansa di Yehova.

WAK E VIDIO YUDA BOSO STUDIANTENAN DI BEIBEL STÒP KU MAL HÁBITO, I DESPUES KONTESTÁ E SIGUIENTE PREGUNTANAN:

• E ansianonan i Nita a rabia ora nan a haña sa tokante Rubi su mal hábito?

• Kon Nita a sigui yuda Rubi?

• Kon Rubi a buska Yehova su yudansa?