29 di Aprel–5 di Mei
SALMO 34-35
Kantika 10 i Orashon | Introdukshon (1 min.)
1. “Semper Lo Mi Alabá Yehova”
(10 min.)
David a alabá Yehova asta ora e tabata pasa den situashon difísil (Sl 34:1; w07 1/3 22 §11)
David a broma òf papia ku orguyo di Yehova, no di su mes (Sl 34:2-4; w07 1/3 22 §13)
E ekspreshonnan ku David a usa pa alabá Yehova a fortalesé su kompañeronan (Sl 34:5; w07 1/3 23 §15)
Despues ku David a hui for di Abímelèk, 400 hòmber ku no tabata kontentu ku e manera ku Saul tabata goberná a djòin David ora e tabata den desierto. (1Sá 22:1, 2) Kisas David tabata pensa riba e hòmbernan ei ora el a skirbi e salmo akí.—Sl 34, introdukshon.
PUNTRA BO MES: ‘Kon mi por duna alabansa na Yehova ora mi papia ku un hende na e siguiente reunion di kongregashon?’
2. Hoya Spiritual
(10 min.)
-
Sl 35:19, nota—Kiko David tabata ke men ku su petishon pa no laga esnan ku ta odi’é “kinipí [nan] wowo”? (w06 15/5 20 §2)
-
Ki hoya spiritual bo a haña den e lesamentu di Beibel pa e siman akí?
3. Lesamentu di Beibel
(4 min.) Sl 34:1-22 (th lès 5)
4. Kuminsá un Kòmbersashon
(2 min.) TESTIMONIO INFORMAL. E kòmbersashon ta kaba promé ku bo haña oportunidat pa duna testimonio. (lmd lès 1 punto 4)
5. Rebishita
(4 min.) TESTIMONIO INFORMAL. (lmd lès 2 punto 4)
6. Splika Bo Kreensianan
(5 min.) Demostrashon. lff lès 44 punto 1-3—Tema: Kiko Ta Yuda Testigunan di Yehova Disidí Ki Dia di Fiesta Ta Aseptabel pa Yehova? (th lès 17)
Kantika 59
7. Tres Manera pa Alabá Yehova na Nos Reunionnan
(15 min.) Pa analisá ku e presentenan.
Nos tin hopi oportunidat pa alabá Yehova na nos reunionnan. Laga nos wak tres manera ku nos por hasi esaki.
Kòmbersashon: Papia tokante e bondat di Yehova ora bo ta kòmbersá ku otro hende. (Sl 145:1, 7) Bo a tende òf lesa un punto spesífiko ku a benefisiá bo? Bo tabatin un bunita eksperensia den sirbishi? Un hende a bisa òf hasi algu ku a animá bo? Bo a opservá algu den kreashon ku a impreshoná bo? Tur e kosnan ei ta regalo di Yehova. (Snt 1:17) Purba di yega reunion trempan pa bo por tin tempu pa papia ku otro hende.
Komentario: Purba di duna por lo ménos un komentario na kada reunion. (Sl 26:12) Bo por duna un kontesta dirèkt riba e pregunta òf un komentario riba un punto adishonal, un teksto, un plachi òf riba aplikashon di e informashon. Kòrda ku mas hende por hisa man pareu ku bo, p’esei purba di prepará mas ku un komentario. Ademas, si bo komentarionan ta 30 sekònde òf ménos, mas hende lo tin oportunidat di “ofresé Dios . . . un sakrifisio di alabansa.”—Heb 13:15.
Kantika: Kanta e kantikanan di Reino ku entusiasmo. (Sl 147:1) Kisas bo no ta haña bùrt pa duna komentario na kada reunion, spesialmente si bo ta den un kongregashon grandi. Pero semper bo por partisipá ora di kanta kantika di Reino. Asta si bo ta sinti ku bo no ta kanta bon, si bo hasi bo bèst, bo por ta sigur ku bo ta hasi Yehova kontentu! (2Ko 8:12) Bo por train e kantikanan na kas pa bo ta prepará pa kanta na reunion.
Pasa e VIDIO Nos Historia Atraves di Tempu—E Don di Kantamentu, Parti 1. Despues hasi e siguiente pregunta:
Desde komienso di nos organisashon, kon nos a demostrá ku ta importante pa kanta kantika di alabansa na Yehova?
8. Estudio di Beibel di Kongregashon
(30 min.) bt kap. 9 §1-7, introdukshon di sekshon 3 i kuadro na pág. 70
