Amor ta e leim ku ta wanta un famia huntu. Sin amor lo ta difísil pa un famia keda uní i kooperá ku otro. Kon esposo, esposa i mayor por demostrá amor den famia?

Un esposo amoroso lo tene kuenta ku e nesesidatnan, punto di bista i sintimentu di su esposa. (Efe 5:28, 29) E lo perkurá físikamente i spiritualmente pa su famia. Esei ta inkluí tene Adorashon Komo Famia regularmente. (1Ti 5:8) Un esposa amoroso lo ta sumiso na su esposo i lo mustr’é “rèspèt profundo.” (Efe 5:22, 33; 1Pe 3:1-6) Nan tur dos mester ta dispuesto pa pordoná otro libremente. (Efe 4:32) Un mayor amoroso ta mustra interes den kada un di su yunan i ta siña nan stima Yehova. (Deu 6:6, 7; Efe 6:4) Ki difikultat nan yunan ta enfrentá na skol? Kon nan ta trata ku preshon di pareu? Ora tin amor den un famia, tur e miembronan di famia lo sinti nan safe i sigur.

WAK E VIDIO SIGUI DEMOSTRÁ AMOR DEN BO FAMIA, I DESPUES KONTESTÁ E SIGUIENTE PREGUNTANAN:

• Kon un esposo amoroso ta alimentá i kuida su esposa?

• Kon un esposa amoroso ta mustra rèspèt profundo pa su esposo?

• Kon un mayor amoroso ta inkulká Palabra di Dios den su yunan?