Disiplina ta referí prinsipalmente na instrukshon i edukashon, pero e ta inkluí korekshon i kastigu tambe. Yehova ta disipliná nos pa asina nos por ador’é na e manera korekto. (Rom 12:1; Heb 12:10, 11) No ta semper fásil pa haña disiplina. Pero ora nos asept’é, nos lo ser konsiderá hustu den Dios su bista i haña su bendishon. (Pro 10:7) Kiko un persona ku ta duna disiplina i un persona ku ta risibié tin ku kòrda?

E persona ku ta duna disiplina. Tur hende ku ta duna disiplina, spesialmente un mayor òf un ansiano, ta hasi esei ku kariño i amor meskos ku Yehova. (Yer 46:28) Asta ora ta trata di disiplina fuerte, e mester ta balansá i no demasiado eksagerá. E disiplina mester ta motivá pa amor.—Tit 1:13.

E persona ku ta risibí disiplina. Sin importá kon nos risibí disiplina, nos ke purba di asept’é mesora i apliká e konseho ku nos a risibí. (Pro 3:11, 12) Komo hende imperfekto, nos tur mester di disiplina. Nos por haña disiplina den vários manera: Nos por lesa algu den Beibel òf skucha algu na reunion. Òf tin biaha, algun di nos mester di disiplina di un komité hudisial. Si nos aseptá disiplina, nos lo tin un mihó bida i nos lo biba pa semper.—Pro 10:17.

WAK E VIDIO “ESNAN KU YEHOVA TA STIMA E TA DISIPLINÁ,” I DESPUES KONTESTÁ E SIGUIENTE PREGUNTANAN:

• Kon Canon su bida a kuminsá, i kiko a pasa despues?

• Ki disiplina amoroso el a risibí for di Yehova?

• Ki lès nos por siña for di su eksperensia?