Komo hende imperfekto, konstantemente nos mester purba di tene nos deseonan bou di kontrol. Si nos hasi kiko ku nos ke, nos por pèrdè Yehova su aprobashon. Por ehèmpel, algun hende ta laga nan amor pa kuminda, paña òf lugá di biba bira mas grandi ku nan amor pa Yehova. Otro hende ta satisfasé nan deseonan seksual sin pensa riba Dios su normanan moral. (Rom 1:26, 27) I algun hende ta laga otronan influensiá nan pa hasi loke ta robes pasobra nan ke pa e hendenan ei aseptá òf gusta nan.—Éks 23:2.

Kon nos por tene nos deseonan bou di kontrol? Nos mester hasi nos bèst pa enfoká riba loke ta agradá Yehova. (Mat 4:4) Ademas, nos mester roga Yehova pa yuda nos tene nos deseonan bou di kontrol. Dikon? Pasobra e sa loke ta mihó pa nos i e sa kon pa satisfasé nos deseonan ku ta di akuerdo ku su boluntat.—Sl 145:16.

WAK E VIDIO NO LAGA HUMAMENTU KABA KU BO BIDA, I DESPUES KONTESTÁ E SIGUIENTE PREGUNTANAN:

• Dikon algun hende ta huma?

• Kon humamentu por afektá bo?

• Dikon humamentu i vape ta malu?—2Ko 7:1

• Kon bo por bisa nò na humamentu òf asta stòp di huma?