Durante Hesus su sirbishi, el a usa suseso ku tabata tuma lugá den su tempu pa siña hende. (Luk 13:1-5) Abo tambe por usa suseso aktual pa duna hende gana di skucha e mensahe di Reino. Promé, menshoná un suseso aktual ku ta tumando lugá manera: kon duru ta pa bo gana bo pan di kada dia, un desaster natural, disturbio di órden públiko, adikshon na droga òf algu similar; kaba, hasi e persona un pregunta ku lo lanta su interes. Kisas bo por puntra: “Abo ta kere ku . . . lo kaba un dia?” òf “Kiko abo ta pensa ta e solushon pa . . . ?” Despues, menshoná un teksto di Beibel ku tin di haber ku e tópiko. Si un hende mustra interes, dirigí su atenshon na un vidio òf publikashon den nos Kaha di Hèrmènt pa Siña Hende e Bèrdat. Segun ku nos ta purba di yega na kurason di hende den nos teritorio, laga nos “hasi tur kos pa kousa di e bon notisia.”—1Ko 9:22, 23.

Ki tópiko por interesá hende den bo teritorio?