Vidio ta yega na kurason di hende. Dikon? Pasobra e ta stimulá hende pa usa nan bista i oido. Esaki ta pone ku e persona ta keda atento i ta kòrda e informashon. Yehova a pone e mihó ehèmpel den usa medionan visual pa siña hende.—Ech 10:9-16; Rev 1:1.

E vidionan Dios Tin un Nòmber?, Ken Ta e Outor di Beibel? i Kon Nos Por Sa Sigur Ku Loke Beibel Ta Bisa Ta Bèrdat? ta material èkstra ku nos por usa huntu ku lès 2 i 3 di e foyeto Bon Notisia. E vidionan Dikon Analisá Loke Beibel Ta Bisa?, Kon un Kurso di Beibel Ta Bai? i Kiko Ta Sosodé na un Salòn di Reino? ta animá hende pa studia Beibel ku nos òf pa bini nos reunionnan. Nos por usa algun di e vidionan ku ta dura mas largu durante un estudio di Beibel.—km 5/13 3.

• Di antemano, download e vidio ku bo ke mustra e persona

• Prepará ún òf dos pregunta ku e vidio ta kontestá

• Wak e vidio huntu

• Trata e puntonan prinsipal

• Bai na e último página di e tratado i mustra e persona e kódigo ku ta mand’é na e vidio Dikon Analisá Loke Beibel Ta Bisa?

• Laga e persona wak e vidio Kon Nos Por Sa Sigur Ku Loke Beibel Ta Bisa Ta Bèrdat?, ofres’é e foyeto Bon Notisia i hala su atenshon na lès 3