Yehova ta esun ku ta pone e simia di e bèrdat krese den un persona su kurason. (1Ko 3:6-9) P’esei, nos mester di Yehova su yudansa pa nos por tin éksito den sirbishi. Ta e ta yuda nos i nos studiantenan di Beibel.

Pidi Yehova pa yuda bo studiantenan di Beibel pa perseverá bou di prueba i vense opstákulo. (Flp 1:9, 10) Sea spesífiko den bo orashonnan. Pidi Yehova pa su spiritu santu guia bo pensamentu- i akshonnan. (Luk 11:13) Siña bo studiantenan di Beibel kon pa hasi orashon i animá nan pa hasi esei. Hasi orashon ku bo studiantenan di Beibel i pa bo studiantenan di Beibel, i usa nan nòmber ora bo ta hasi orashon.

WAK E VIDIO HAÑA GOSO DEN E TRABOU DI HASI DISIPEL—ASEPTÁ YUDANSA DI YEHOVA—ORASHON, I DESPUES KONTESTÁ E SIGUIENTE PREGUNTANAN:

• Ki desafio Nita a hañ’é kuné segun e tabata studia Beibel ku Rubi?

• Kon 1 Korintionan 3:6 a yuda Nita?

• Kon e desafio ku Nita tabatin a keda resolvé?