Hesus a deklará “e bon notisia di e Reino di Dios.” (Luk 4:43) Ademas, el a siña otro hende pa hasi orashon tokante e Reino di Dios. (Mat 6:9, 10) Den luna di novèmber, nos lo hasi esfuerso èkstra pa konta otro hende tokante e Reino di Dios. (Mat 24:14) Laga nos regla nos asuntunan di tal manera ku nos por partisipá plenamente den e kampaña akí. Durante e luna ei, tur ruman ku ta deseá di traha pionero ousiliar por skohe pa traha sea 30 òf 50 ora.

Durante e kampaña akí, purba di lesa un teksto di Beibel tokante e Reino di Dios ku mas tantu hende posibel. Ora di skohe ki teksto pa lesa pa un persona, tene kuenta ku e persona su kreensianan. Si e persona mustra interes durante e promé kòmbersashon, duna e persona un ehemplar di edishon pa públiko di E Toren di Vigilansia Num. 2 2020. Rebishitá e persona mas pronto posibel, i purba di kuminsá un estudio di Beibel usando un publikashon for di nos Kaha di Hèrmènt pa Siña Hende e Bèrdat. A sobra masha poko tempu promé ku e Reino di Dios kaba ku tur gobièrnu ku ta bai kontra dje. (Dan 2:44; 1Ko 15:24, 25) P’esei, laga nos tur probechá di e kampaña spesial akí pa nos demostrá ku nos ta leal na Yehova i na su Reino.