Komo Testigunan di Yehova, nos tin un privilegio spesial. Komo kristian dediká i batisá, nos por sigui hasi nos amistat ku nos Señor Soberano Yehova mas i mas fuerte. Yehova a hala nos serka dje pa medio di su Yu. (Hua 6:44) Yehova ta skucha nos orashonnan.—Sl 34:15.

Kon nos por protehá nos presioso amistat ku Yehova? Nos mester evitá di hasi e kosnan robes ku e israelitanan tabata hasi. Poko tempu despues ku Yehova a sera un pakto ku nan, nan a traha un bisé di oro i a kometé idolatria, esta, nan a kuminsá adorá dios falsu. (Éks 32:7, 8; 1Ko 10:7, 11, 14) Pues, ta bon pa nos puntra nos mes: ‘Kon mi ta reakshoná ora mi haña mi ku tentashon pa hasi loke ta robes? Mi echonan ta demostrá ku mi ta balorá mi relashon ku Yehova?’ Amor profundo pa nos Tata selestial lo yuda nos evitá loke e ta odia.—Sl 97:10.

WAK E VIDIO PROTEHÁ BO AMISTAT KU YEHOVA (KOL 3:5), I DESPUES KONTESTÁ E SIGUIENTE PREGUNTANAN:

• Kiko ta kudishi?

• Dikon nos mester rechasá golosidat i idolatria?

• Den ki sentido adulterio i idolatria ta konektá ku otro?

• Dikon e rumannan ku tin responsabilidat den Yehova su organisashon mester ta aun mas atento na e nesesidatnan di nan kasá?