DIKON ESAKI TA IMPORTANTE: Tur e hèrmèntnan ku nos tin pa siña hende e bèrdat, esta, e publikashonnan ku tin den nos Teaching Toolbox, * ta dirigí hende na jw.org. De echo, tantu e karchi di kontakto komo e tratado Unda Bo Por Haña Kontesta pa e Preguntanan Importante di Bida? tin komo meta pa dirigí hende na nos website. Bo por kompartí un publikashon for di nos Teaching Toolbox usando jw.org. Bo por manda e publikashon sea via e-mail òf link. Esaki por ta útil foral ora nos ta prediká na hende ku ta papia un otro idioma. Por sosodé ku nos no por kontestá un hende su pregunta usando solamente e publikashonnan ku tin den nos Teaching Toolbox. Pero, si nos konosé nos website bon, nos por tin éksito den nos sirbishi.

KON PA HASI ESAKI:

• Usa e sekshon “SIÑANSA DI BEIBEL”. Suponé ku bo ta predikando na un mayor ku ke haña mas informashon tokante lantamentu di yu. Bai na SIÑANSA DI BEIBEL > MATRIMONIO & FAMIA.

• Usa e sekshon “PUBLIKASHON.” Suponé ku bo ta dunando testimonio informal na skol i bo ke kompartí e foyeto Kontesta pa 10 Pregunta Ku Hóbennan Sa Hasi ku bo kompañeronan di klas. Bai na PUBLIKASHON > BUKI I FOYETO.

• Usa e sekshon “TOKANTE NOS.” Suponé ku bo ta papia ku un kolega di trabou ku ke un splikashon kòrtiku di nos kreensianan. Bai na TOKANTE NOS > PREGUNTA KU HOPI HENDE SA HASI.

WAK E VIDIO HASI BON USO DI JW.ORG, I DESPUES PENSA KIKO BO POR USA DI NOS WEBSITE . . .

• pa papia ku un hende ku no ta kere den Dios

• pa konsolá un hende ku a sufri debí na un òf otro tragedia

• pa yuda un ruman inaktivo

• pa splika un persona ku bo ta rebishitá kon ta finansiá nos trabou di prediká

• pa yuda un hende di un otro pais ku ke asistí na reunion na su mes pais