Hesus a sakrifiká su bida pa hende imperfekto. (Rom 5:8) Sin duda, nos kada un ta masha gradisidu ku Hesus a demostrá su amor pa nos ora el a duna su bida pa nos. Sinembargo, nos no mester lubidá ku Kristu a muri pa nos rumannan, ku ta imperfekto meskos ku nos. Laga nos wak tres manera ku nos por demostrá ku nos ta stima nan. Di promé, sera amistat ku rumannan ku tin un otro kultura for di nos. (Rom 15:7; 2Ko 6:12, 13) Di dos, paga bon tinu pa nos no papia òf hasi algu ku por ofendé otro hende. (Rom 14:13-15) Di tres, ta lihé pa pordoná hende ku faya kontra nos. (Luk 17:3, 4; 23:34) Si nos hasi nos bèst pa sigui Hesus su ehèmpel den e tres maneranan akí, Yehova lo sigui bendishoná e kongregashon ku pas i union.

WAK E VIDIO BIRA MAS BUNITA! I KONTESTÁ E SIGUIENTE PREGUNTANAN:

• Na promé instante, kiko Miki a pensa tokante su kongregashon?

• Kon bini su pensamentu a kambia?

• Kon Hesus su ehèmpel a yuda Miki kambia su manera di pensa? (Mar 14:38)

• Kon Proverbionan 19:11 por yuda nos tin un punto di bista positivo di nos rumannan?