Ora nos yama na un kas i un mucha bini na porta, nos mester pidi pa papia ku su mayornan. Di e manera ei, nos ta mustra rèspèt na e mayornan. (Pro 6:20) Si e mucha bisa nos pa bini paden, nos no mester hasi esei. Si no ta posibel pa papia ku su mayornan, nos mester bolbe un otro ora.

Asta ora ta trata di un hóben, kisas di 15 pa 19 aña, nos mester puntra pa su mayornan. Si no ta posibel pa papia ku su mayornan, nos por puntra e hóben si nan ta permitié pa e mes skohe loke e ke lesa. Si e bisa sí, nos por ofres’é un publikashon i papia kuné tokante jw.org.

Ora nos rebishitá un hóben ku a mustra interes, puntr’é si nos por sera konosí ku su mayornan. Asina nos ta haña oportunidat pa splika nan e motibu di nos bishita i papia ku nan tokante e bon konsehonan ku Beibel tin pa famia. (Sl 119:86, 138) Nos ta duna un bon testimonio ora nos ta mustra konsiderashon i rèspèt na e mayornan. Esaki ta habri kaminda pa nos por papia tokante e bon notisia ku henter e famia.—1Pe 2:12.