E página inisial di nos website tin artíkulo i vidio ku ta diseñá pa yega na kurason di hende sinsero ku no ta Testigu di Yehova. (Ech 13:48) Hopi bes, e ta trata tópiko ku ta den notisia òf ku hende ta interesá den dje aktualmente.

Kon bo por usa e página inisial di jw.org den bo sirbishi?

• Bishitá nos website regularmente. Tuma nota di loke tin den e sekshon rekomendá, i pensa kon bo por usa e informashon ei pa yuda un persona interesá. (Pa haña mas artíkulo ku tabata den e sekshon rekomendá resientemente, klek riba “Wak Mas.”) Si bo keda al dia ku nos website, lo bo haña idea nobo ku bo por usa den bo sirbishi tambe.

• Usa artíkulo i vidio di e sekshon rekomendá riba e página inisial pa kuminsá kòmbersashon. E artíkulo- i vidionan akí por duna nos un idea di kiko ta interesá hende den teritorio.

• Mustra hende e página inisial. Hala atenshon na tópiko spesífiko i mustra e persona kon pa haña informashon riba nos website.

• Manda un link. Algun hende kisas no ta sinti nan kómodo pa papia ku nos en persona, pero nan ta dispuesto pa bishitá nos website sí. Pues, no duda pa manda un persona interesá un link di e página inisial òf di un artíkulo òf vidio den e sekshon rekomendá.