2-8 di Sèptèmber
SALMO 79-81
Kantika 29 i Orashon | Introdukshon (1 min.)
1. Demostrá Amor pa Yehova Su Nòmber Glorioso
(10 min.)
No hasi nada ku ta desonrá Yehova su nòmber (Sl 79:9; w17.02 9 §5)
Alabá, òf invoká, e nòmber di Yehova (Sl 80:18; ijwbv 3 §4-5)
Yehova lo bendishoná hende ku ta mustra pa medio di nan obedensia ku nan ta stima su nòmber (Sl 81:13, 16)
Pa nos kondukta por duna gloria na Yehova su nòmber, nos mester identifiká nos mes komo Testigu di Yehova
2. Hoya Spiritual
(10 min.)
-
Sl 80:1—Dikon tin biaha ta usa Yósef su nòmber pa referí na tur e tribunan di Israel? (it-2-S 127)
-
Ki hoya spiritual bo a haña den e lesamentu di Beibel pa e siman akí?
3. Lesamentu di Beibel
(4 min.) Sl 79:1–80:7 (th lès 10)
4. Kuminsá un Kòmbersashon
(1 min.) DI KAS PA KAS. Ofresé e persona un estudio di Beibel. (lmd lès 4 punto 4)
5. Kuminsá un Kòmbersashon
(3 min.) TESTIMONIO INFORMAL. Ofresé e persona un estudio di Beibel. (lmd lès 4 punto 3)
6. Kuminsá un Kòmbersashon
(2 min.) PREDIKÁ NA LUGÁ PÚBLIKO. Ofresé e persona un estudio di Beibel. (lmd lès 3 punto 3)
7. Rebishita
(5 min.) DI KAS PA KAS. Ofresé un estudio di Beibel na un persona interesá ku no kier a studia den pasado. (lmd lès 8 punto 3)
Kantika 10
8. “[Nan] Lo Santifiká Mi Nòmber”
(15 min.) Pa analisá ku e presentenan.
Satanas a kuminsá kalumniá, òf daña, Yehova su nòmber den e hòfi di Edén. Desde e tempu ei, vindikashon di Yehova su nòmber a bira e kuestion di mas importante pa tur kriatura inteligente.
Djis pensa riba e mentiranan horibel ku Satanas a plama tokante Yehova. Satanas a akusá Yehova di ta un gobernante kruel. (Gén 3:1-6; Yòb 4:18, 19) Satanas ta insinuá ku Yehova su sirbidónan no ta stim’É di bèrdat. (Yòb 2:4, 5) Pa motibu di Satanas, miónes di hende ta kere ku Yehova no ta e Kreador di tur e kosnan bunita ku tin den naturalesa rònt di nos.—Rom 1:20, 21.
Kon bo ta sinti tokante e mentiranan ei ku Satanas a plama? Probablemente, nan ta duna bo gana di defendé Yehova! Yehova tabata sa ku su pueblo lo tabatin e deseo di santifiká su nòmber. (Kompará ku Isaías 29:23.) Kon abo por yuda hasi esei?
-
Yuda otro hende siña konosé i stima Yehova. (Hua 17:25, 26) Bo mester ta kla pa mustra evidensia ku Dios ta eksistí i pa siña hende su bunita kualidatnan.—Isa 63:7
-
Stima Yehova ku henter bo kurason. (Mat 22:37, 38) Obedesé Yehova su mandamentunan no djis pasobra nan ta benefisiá bo, sino pasobra bo ke hasi Yehova su kurason kontentu.—Pro 27:11
Pasa e VIDIO Amor No Ta Kaba Nunka Apesar di . . . Influensia Negativo na Skol. Despues hasi e siguiente preguntanan:
-
Kon Ariel i Diego a defendé Yehova su nòmber?
-
Kiko a motivá nan pa defendé Yehova su nòmber?
-
Kon abo por imitá nan ehèmpel?
9. Estudio di Beibel di Kongregashon
(30 min.) bt kap. 15 §1-7 i introdukshon di sekshon 6
