Ta klaru ku nos lo ke muha e simianan di e bèrdat ku nos planta. (1Ko 3:6) P’esei, ora nos haña un persona ku mustra interes, ta bon pa nos hasié un pregunta ku nos por trata durante e siguiente kòmbersashon. Esaki lo oumentá e persona su interes i yuda nos prepará pa e rebishita. Ora nos bai bèk, nos por bis’é ku nos a bini pa kontestá e pregunta ku nos a laga pendiente e último biaha ku nos a papia kuné.

• Ora bo ta prepará bo presentashon pa bai di kas pa kas, pensa tambe riba un pregunta ku lo bo ke kontestá na e siguiente bishita. Bo por skohe un pregunta ku ta ser kontestá den e publikashon ku bo ta bai ofresé. Òf e por ta un pregunta ku ta ser kontestá den un di nos publikashonnan di estudio ku bo tin planiá pa ofresé na bo siguiente bishita.

• Na final di bo kòmbersashon ku e persona interesá, lag’é sa ku lo bo tin gana di kòmbersá kuné atrobe, anto hasié e pregunta ku bo ke kontestá na e siguiente bishita. Si e persona no tin nada kontra, tuma su datonan.

• Si boso a palabrá un ora spesífiko pa bo bolbe, kumpli ku bo palabra.—Mat 5:37.