Matrimonio ta algu masha serio den bista di Yehova. Yehova ta bisa ku esposo i esposa mester pega na otro. (Mat 19:5, 6) Den e pueblo di Dios, tin hopi matrimonio felis. Sinembargo, niun matrimonio no ta perfekto. Lo tin problema. Ora un pareha tin problema, nan no mester pensa ku separashon i divorsio ta e solushon. Kon pareha kristian por protehá nan matrimonio?

Laga nos wak sinku paso importante.

1. Protehá bo kurason: rechasá flirtmentu i entretenimentu inmoral; e kosnan ei ta debilitá bo matrimonio.—Mat 5:28; 2Pe 2:14.

2. Fortalesé bo amistat ku Dios, i traha duru pa bo matrimonio hasi Dios kontentu.—Sl 97:10.

3. Sigui bisti e personalidat nobo i mustra kariño na bo kasá ku kos chikitu.—Kol 3:8-10, 12-14.

4. Komuniká bon ku otro i papia ku rèspèt. —Kol 4:6.

5. Kumpli ku bo deber matrimonial ku kariño i amor.—1Ko 7:3, 4; 10:24.

Ora pareha kristian ta respetá matrimonio, nan ta onra e Persona ku a originá matrimonio, Yehova.

WAK E VIDIO “NOS MESTER KORE KU PERSEVERANSA”—SIGUI E REGLANAN DI WEGA, I DESPUES KONTESTÁ E SIGUIENTE PREGUNTANAN:

• Aunke un matrimonio por kuminsá bon, ki difikultat por presentá?

• Kon e prinsipionan di Beibel por yuda un hende ku ta sinti ku e ta den un matrimonio sin amor?

• Ki ta algun norma ku Yehova a pone pa hende kasá?

• Kiko esposo i esposa mester hasi pa nan por tin éksito den matrimonio?