Ku kiko bo ta lucha tur dia? Bo ta un kabes di famia i bo ta lucha pa kumpli ku tur bo responsabilidatnan? Bo ta un mayor soltero ku ta hasi hopi esfuerso pa gana bo pan di kada dia? Bo ta un hóben ku ta bai skol i ta haña bo ku chèrchi di bo pareunan? Bo tin problema ku salú òf bo tin ku trata ku e efektonan di edat avansá? Nos tur ta enfrentá difikultat. Hopi ruman ta pasa den vários prueba na mes momento. Sinembargo, nos sa ku pronto nos tur lo ta liber di e problemanan akí.—2Ko 4:16-18.

Mientrastantu, ta un konsuelo pa sa ku Yehova ta komprondé nos problemanan, ta balorá nos lealtat i perseveransia na dje i ta primintí di bendishoná nos den futuro. (Yer 29:11, 12) Hesus tambe ta personalmente interesá den nos. Segun ku nos ta kumpli ku nos responsabilidatnan teokrátiko, Hesus ta garantisá nos: “Mi ta ku boso.” (Mat 28:20) Ora nos tuma tempu pa meditá riba e libertat ku nos lo haña den futuro bou di e Reino di Dios, nos ta fortalesé nos speransa i nos lo ta mas determiná pa trata ku prueba awor.—Rom 8:19-21.

WAK E VIDIO SEGUN KU E TORMENTA TA ASERKÁ, KEDA FIHA RIBA HESUS!—BENDISHONNAN KU E REINO LO TRESE, I DESPUES KONTESTÁ E SIGUIENTE PREGUNTANAN:

• Kon humanidat a alehá for di Dios, i ku ki resultado?

• Ki futuro ta spera hende ku ta fiel na Yehova?

• Kon e futuro maravioso ei ta posibel?

• Ki bendishonnan bo ta spera di disfrutá di dje den e mundu nobo primintí?