Yehova semper sa loke ta mihó pa nos? Klaru ku sí! Komo ku nos ta kere esei, nos ta demostrá sabiduria ora nos ta sigui su guia. (Pro 16:3, 9) Sinembargo, nos konfiansa den Yehova su guia por ser poné na prueba ora nos manera di pensa ta diferente for di esun di dje. Ora nos meditá riba Yehova su kreashon, nos lo fortalesé nos konfiansa den Yehova su sabiduria.—Pro 30:24, 25; Rom 1:20.

WAK E VIDIO KASUALIDAT ÒF DISEÑO? KON VRUMINGA POR EVITÁ PEGAMENTU DI TRÁFIKO? I DESPUES KONTESTÁ E SIGUIENTE PREGUNTANAN:

• Ki rutina mayoria di vruminga tin tur dia?

• Kon vruminga ta evitá pegamentu di tráfiko?

• Kiko hende por siña for di e manera kon vruminga ta move for di un lugá pa otro?

WAK E VIDIO KASUALIDAT ÒF DISEÑO? KON UN ABEHA POR KEDA STABIL ORA E TA BULA? I DESPUES KONTESTÁ E SIGUIENTE PREGUNTANAN:

• Ki desafio hende sa haña nan kuné ora nan ta bula avion chikitu?

• Kon un abeha ta keda stabil ora e ta bula?

• Kon hende por benefisiá di e sabiduria instintivo di abeha den futuro?

Ki evidensia di Yehova su sabiduria abo a mira den kreashon kaminda bo ta biba?